Vawiin chawhnu khan ni hnih cham turin Union Minister of State for Drinking Water & Sanitation Pu Ramesh Chandappa Jigajinaji chuan Aizawl a rawn thleng.

Vawiin vek hian Muallungthu, Falkawn leh Mel Riat a Public Health Engineering Department (PHED) hnuaia NRDWP (National Rural Drinking Water Programme) leh  Swachh Bharat Mission (Gramin) hnathawhte a enfiah nghal a. Union Minister of State, Pu Ramesh Chandappa Jigajinaji chuan Muallungthu-ah heng Programme pahnih hnuaia hnathawhte hi a enfiah phawt a. Hemi hnuah hian Falkawn leh Mel Riat a tlawh leh a ni. National Rural Drinking Water Programme (NRDWP) hnuaia tui khawlna tura hmalakna te leh Swachh Bharat Mission (Gramin) hnuaia mimal inthiarna (Individual Household Latrine ) leh vantlang inthiarna (Community Sanitary Complex) siam te a enfiah a. Pu Ramesh Chandappa Jigajinaji hi PHED hotute leh Village Council hruaituten an tawiawm a ni.

Individual Household Latrine hnuaiah hian Muallungthu ah inthiarna (toilet) 98, Falkawnah 32 leh Mel Riatah 21 siam a ni a. Aizawl District bikah hian Swachh Bharat Mission (Gramin) hnuaiah inthiarna (toilet) 1517 siam tawh niin Aizawl District hi Open Defecation Free (ODF) a puan a lo ni tawh a ni.