Mizoram sawrkar leh Hmar People’s Convention (Democratic) te’n April ni 2, 2018-a inremnna thuthlung an ziak fel ta hi thinlung takin ka lawmpui a. Hei hian kum 24 chhung zet tuarna leh helna a titawp ta a ni. He hlawhtlinna atana hmalatute inpekna hi a fakawm hle a ni. 

Peace Accord chhinchhiah tlak tak kum 1986-a ziah a nih hnu pawhin, Mizoram chuan politics buaina leh dinhmun khirh tak karah remna leh muanna siam tura hma hruaitu a ni tih a lantir a.  India rama State ralmuang ber kan nih loh pawhin, a ralmuang berte zing ami kan nihzia kan la lantir zel a ni. Kan ram hruaitute tum ruhnate, HPC (D)-in sawrkar chunga rinna a nghah ngamna leh khawtlang hruaitute thawhhona tha tak hian fak a phu a ni. 

He inremna hmang hian Mizoram ralmuang leh hmasawn zawk hmalamah kan thlir a, inremna kumhlun ni turin mitinin mawh kan phur a ni. Mizoram sawrkar leh HPC (D) pawh an inremna thuthiamah an din ngheh tlat ka ring a ni.    

Beiseina thar min pe tura hmalatu zawng zawng hnenah lawmthu ka sawi nawn leh a ni. 

Jai Hind