Mizoram Governor Lt.Gen. Nirbhay Sharma, PVSM,UYSM,AVSM,VSM (Rtd.) chuan Mizo mipuite Good Friday leh Easter chibai a buk -

Thian duh takte u, chibai ule.

Ka nupui leh kei hian he Good Friday leh Easter hun pawimawhah hian Mizoram mipuite chibai kan buk a che u. Good Friday hian mihringte tana Lal Isua Krista inpumpekna ropuizia min hriattir a. Isua khenbeh a nih hnua Thawhlehna nia a lo tho leh hian sualna chu thatnain a hneh tih a lantir a. Isua khan tharum thawhna te, sakhaw atchilhna te, phuba lakna te aiah hmangaihna te, ngaihdamna thu te, thutak te a hril thin a. Serh leh sang ngaih pawimawh aiin thlarau lam thil te a ngai pawimawh a, amah zuitute chu thatna kawng zawh turin a fuih a. Good Friday leh Eatser hun kan lo thlen hian chi leh hnam hrangte, tawng hrang hman avanga kan inpumkhat theih lohnate hi hnehin State ralmuang leh inngeih tlanga awm turin i tang tlang ang u. Isua Kristan entawn tur min hnutchhiah anga nung thei turin mahni inbih chiangin i inpe thar leh ang u.

Mizo mipui zawng zawngte Good Friday leh Easter hun hlim leh lawm taka hmang turin ka nupui nen duhsakna kan hlan a che u.

Jai Hind.

dipr.mizoram.gov.in/speeches/lang/mz