Mizoram Governor atana ruat thar Dr.Aziz Qureshi lakluh dan tur vawiin khan Chief Secretary Conference Hall-ah Chief Secretary Pu Lalmalsawma hovin ngaihtuah ho a ni.
Governor thar tur hi January ni 8 ah Aizawl lo thleng tura beisei a ni a. Lengpui Airport atang hian helicopter hmangin Thuampui Helipad a pan ang a. Hetah hian amah dawngsawngtu tur sorkar mipawimawh engemawzat in an lo hmuak ang. Lakluhna inkhawm (swearing- in- ceremony) chu January ni 9, tlai dar 6 ah Raj Bhavan-a Durbar Hall-ah neih tura ruahmanna siam a ni.
