Vawiin chawhma dar 10:00 khan Pu Lalmalsawma IAS, Chief Secretary hovin CS Conference Hall-ah Mizoram Governor thar tur Pu Keshari Nath Tripathi lakluh chungchang sawi ho a ni. He meeting ah hian department hrang hrang hotute an tel.

Governor thar hi 4th April, 2015 (Inrinni) hian Lengpui Airport ah rawn tumin amah hmuahna programme pawh Airport-ah neih nghal tur a ni. Hemi tlai vek dar 4:00 hian Raj Bhavan Durbar Hall-ah Mizoram Governor atan lakluh a ni dawn a ni.

Pu Keshari Nath Tripathi hi 10th November, 1934 khan Allahabad, Uttar Pradesh a piang a ni a, a nupui Sudha Tripathi nen fa 3 an nei. 14th July, 2014 khan West Bengal Governor ah lakluh a niin hemi kum vek November 27 ah Bihar Governor hmui tura lakluh ni lehin 6th January, 2015 ah Meghalaya Governor hmui tura lakluh leh a ni. Pu Keshari Nath Tripathi hi politics a nihna pawimawh tak tak chelh tawh a nih bakah thu leh hla lama tuimi tak anih avangin Hindi leh saptawngin lehkhabu thahnem tak a ziak tawh a ni.