Mizoram Governor tura central sorkar-ina a ruat, West Bengal Governor nilai Pu Keshari Nath Tripathi chu vawiin chhun khan Lengpui Airport alo thleng a. Lengpui Airport ah hian Chief Minister Pu Lal Thanhawla leh a nupui Pi Lal Riliani, Home Minister Pu R.Lalzirliana, Chief Secretary Pu Lalmalsawma, Principal Secretary to Chief Minister Pu Lalram Thanga, Director General of Police Pu Dharmender Kumar ten an lo hmuak a, thlawhtheihna atanga alo chhuahin duhsakna thilpek Chief Minister hian alo hlan a, hmuaktu midang ten pangpar an lo hlan bawk a ni.

Governor tur hi Airport kawtah amah zahna lantirna Guard of Honour Mizoram Police ten anlo pe bawk.

Pu Keshari Nath Tripathi hi Pu Trilochan Singh, Additional Chief Secretary to Governor, Pu D.K.Gautam, OSD & EO, Special Secretary to Governor leh Pu Varun Chandra Shekar, ADC to Governor ten an rawn tawiawm a ni.