MSACS Governing Body Chairman leh Health Minister Pu Lalrinliana Sailo chuan Mizoram Health Care Scheme hnuaiah AIDS veite tan hamthatna telh ve a ni ang a ti.
He thu hi vawiina Targetted Intervention Review Meeting kharna a a sawi a ni a. Minister chuan Mizorama hriselna programme hrang hrangah te hian sorkar laipui atanga tanpuina sum thahnem tak dawn mek an ni a, hengah te hian amah leh a mah puitu Parliamentary Secretary te chuan ei neih ve an tum miah loh avangin hna chu dik takin a kal mai ang, a ti. AIDS natna hi khawvel pum mutmawh hnarmawh anih tawh angin amah ngei pawh hian a dona kawnga thawktu hnuaihnung ber atanga thawhpui a chak thu leh chung an thawhhona tha chuan rah duhawm tak a neih ngei a beisei thu a sawi a. Dan reng reng hi ulhbun hmawk thiang a nih loh laiin ulh thleh kual deuh erawh pawi lohna chin a awm a ni tiin National AIDS Control Organisation-in kalphung tur a duan zawng zawngte hi Mizoram mila her danglam pawh a tul chuan kan ti hreh lovang a ti bawk.
Minister tawiawmtu Parliamentary Secretary Pu S. Laldingliana pawhin thu sawiin tlawmngai pawl hrang hrangte hnathawh dan a ngaihthlak atangin AIDS dona kawngah phurna thar a neih thu leh thawhho that pawimawhzia a tarlang.
Health Minister hi MLA Pu K. Liantlinga leh Lt. Col. Z.S. Zuala te pawhin an tawiawm a thu tawite sawiin Pu K. Liantlinga chuan amah ngei pawh hi hetiang AIDS dotu tlawmngai pawl Board of Directors ah kum 15 lai a lo in hman tawh thu a sawi a. AIDS do kawngah hian sorkar chu theih tawp chhuahpui a in huam zia kalkhawmte a hrilh a ni.
Meeting kharna inkhawm ah hian heng tlawmngai pawl hrang hrang hruaitu Project Director leh Project Manager-te chuan kum kalta chhunga an hmalakna tlangpui an sawi a. Tinzawn bik neia AIDS natna vei mek an enkawl dan leh la vei lote venhim kawnga an hmachhawpte report pe in an tarlang a. Meeting an hlawkpui dan leh hemi atanga an zirchhuah thar langsar zual deuh deuh an sawichhuak hlawm bawk.
Minister tawiawmtu Parliamentary Secretary Pu S. Laldingliana pawhin thu sawiin tlawmngai pawl hrang hrangte hnathawh dan a ngaihthlak atangin AIDS dona kawngah phurna thar a neih thu leh thawhho that pawimawhzia a tarlang.
Health Minister hi MLA Pu K. Liantlinga leh Lt. Col. Z.S. Zuala te pawhin an tawiawm a thu tawite sawiin Pu K. Liantlinga chuan amah ngei pawh hi hetiang AIDS dotu tlawmngai pawl Board of Directors ah kum 15 lai a lo in hman tawh thu a sawi a. AIDS do kawngah hian sorkar chu theih tawp chhuahpui a in huam zia kalkhawmte a hrilh a ni.
Meeting kharna inkhawm ah hian heng tlawmngai pawl hrang hrang hruaitu Project Director leh Project Manager-te chuan kum kalta chhunga an hmalakna tlangpui an sawi a. Tinzawn bik neia AIDS natna vei mek an enkawl dan leh la vei lote venhim kawnga an hmachhawpte report pe in an tarlang a. Meeting an hlawkpui dan leh hemi atanga an zirchhuah thar langsar zual deuh deuh an sawichhuak hlawm bawk.
