Farmers’ Meet-cum-NLUP Awareness Campaign, AMFU Gen. Hqrs. bultumin Kawrthah Indoor Stadium-ah ni 3.10.09 (Inrinni) khan buatsaih a ni a. He hun hi Pu K.S.Thanga, Parliamentary Secretary, Agri., Horti., etc leh Pu Lalrinmawia Ralte, Parliamentary Secretary, Home & RD etc. ten an hmanpui a ni. Inkhawm Pu R.Laltluanga, Treasurer, AMFU Gen. Hqrs. kaihhruaiah Pu K.S.Thanga chuan thu sawiin Mizoram ah za zela sawmhnih atanga sawmthum inkar hi dinhmun tha a ding an nih laiin za zela sawmsarih te hi dinhmun harsa, kut hnathawk an nih thu a tarlang a. Harsa zawkte khaichhuahna turin sawrkarin NLUP duangin chumi hlawhtlinna tur chuan sawrkarin theihtawp chhuahin insiamthat ngai laite insiam tha in bul a tan chho a, sawrkar hi a kal fawr emaw, sum lamah tlan chak deuh kan awm a nih pawha vengtu tur leh endiktu tur leh siki sen pawh it lo tur rawngbawltu zinga mi ruatin Ethics Committee din a lo ni chho ta hial a ni, a ti. Khuallian chuan NLUP hlawhtlinna tura mawhphurtu sawrkar hnathawk official te chu dawhkan atanga thil ti mai lova, a hmun ngeia kal a in thawh chuan hlawhtlinna a thleng ngei ang tiin hei hi in ACR a ni, a ti a. Hemi piah lamah NLUP hlawhtlinna tak tak innghahna chu Farmers te an nih thu tarlangin a dawngtute pawhin affidavit sign vek tur a nih avangin titha duh lo chu tan pawh an tang mai ang tiin NLUP hi thatchhe tan a ni lova, mi taima te tan a ni tih hrereng turin kalkhawmte a chah a ni.
Khual Zahawm, Pu Lalrinmawia Ralte pawhin thu sawiin kut hnathawktute khaichhuahna tura NLUP kaltlanga hmalakna ah hian a tam thei ang ber thun tum a nih thu tarlangin cheng vaibelchhe 671 chuang plan siamah a thawh khatna atan cheng vaibelchhe 100 sem a ni ang a ti a. A sawizelna ah Khual Zahawm chuan NLUP hi a thlawna kan dawn tur a nilo tih kan chian a pawimawh a, kan din khawchhuahna tur a ni tih hrereng turin kalkhawmte a chah bawk a ni.
Pu Zion Lalremruata, Gen. Secy., AMFU Gen. Hqrs. leh Pu Lalromawia, President, AMFU Mamit District te pawhin thu an sawi a ni.
Hemi zawh hian zawhna leh chhanna hun buatsaih niin mipuiten an thil hriat duhte zawtin Khuallian hian a chhang a ni.
He Farmers’ Meet-cum-NLUP Awareness Campaign ah hian kut hnathawktu khaw hrang hrang atangin tel an thahnem hle a ni. Khuallian leh Khual Zahawm te hi Pu Lalniliana, Jt. Director, Agriculture, Pu C.Lalpeksanga, Project Director, DRDA Mamit leh official thahnem takin an tawiawm a ni.
Pu Zion Lalremruata, Gen. Secy., AMFU Gen. Hqrs. leh Pu Lalromawia, President, AMFU Mamit District te pawhin thu an sawi a ni.
Hemi zawh hian zawhna leh chhanna hun buatsaih niin mipuiten an thil hriat duhte zawtin Khuallian hian a chhang a ni.
He Farmers’ Meet-cum-NLUP Awareness Campaign ah hian kut hnathawktu khaw hrang hrang atangin tel an thahnem hle a ni. Khuallian leh Khual Zahawm te hi Pu Lalniliana, Jt. Director, Agriculture, Pu C.Lalpeksanga, Project Director, DRDA Mamit leh official thahnem takin an tawiawm a ni.
