Vawiin chawhnu khan I & PR Conference Hall-ah hmarchhak state-te tana Rashtriya Swasthya Bima Jojana (RSBY) chungchang zirhona neih a ni a. Sorkar laipui Labour Ministry atangin Secretary Pi Sudha Pillai, IAS leh Director General (Training) Pu Anil Swarup ten an rawn hmanpui.
 
 
Workshop a lo tel state hrang hrang palaite lawmna thu Pu R.K. Sinha, Secretary, Labour & Employment, Mizoram in a hmang a. State kilkhawr bera hetiang workshop pawimawh tak nghah anih chungchangah lawmthu a sawi a. RSBY kum 2007 August 1 atanga rampuma hman tura puan chu hmarchhak state-ah pawh kalpui ve tur anih angin sorkar kumthar atangin chak taka bawhzui tur a ni ang a ti a. Palaite chu he workshop hmang tangkai tur hian a beisei thu a sawi a ni.

Pi Sudha Pillai, IAS, Secretary, Labour Ministry pawhin workshop thu hma sawiin RSBY thil tum leh kalphung tur tlangpui a tarlang a, he ruahmanna hnuaiah hian thingtlang leh state hrang hranga mirethei BPL chhungkua-te tana in sak sak leh hriselna lama an in enkawlna tur duan anih dante a sawi a ni. Labour Rules hrang hrang - Insakna leh construction hna hrang hranga thawktute humhalh dan leh rawihluiha hlawhfate humhalhna dan te chu vawiin workshop hian a zirtur thu Pi Pillai chuan a sawi a ni.

State hrang hrang atanga palai lokalte chuan RSBY an kalpui dan tlangpui report an pe a, RSBY chungchang Film te an thlir ho a ni.
 
 

Attachment

  • Loading attachment...