No.265/2021-2022
Aizawl, 25th April, 2021 : Mizoram-ah khua a thal rei avangin hmun hrang hrangah kangmei a chhuak nasa hle a. Ram kang bakah sawrkar-in report a dawn danin Bungtlang South-ah in 12 a kang ral vek a, in 2 dang pawh nasa takin a kang chhe bawk. Hmun hrang hranga kangmei chhuak tireh tur hian Sawrkar leh mipui ten theih tawpin hma an la a. Chhiat tawk chhungkuate Sawrkar chuan a tawrhpuiin pawi a ti tak zet a ni.
Kangmei tichhuak lo tur leh inveng fimkhur turin Sawrkar chuan mitinte a ngen nawn leh a, khaw tina thuneitute leh mipuite tawiawmna a ngen tak meuh meuh a ni. Kangmei laka invenna leh fimkhurna chungchang inzirtirna a tam thei ang bera tichhuak turin District leh Village level-a thuneitute sawrkar chuan a hriattirin a ngen nawn leh a ni.
Kangmei chhuak thelh mit tura huaisen taka theihtawp chhuahtu official te, khawtlang hruaitu leh mipui tlawmngaite chungah Mizoram Sawrkara lawm takzet a ni.
