India ram hmun hrang hranga Mizoram House te endik tura Legislative Assembly-in a din Subject Committee-I te chuan Kolkata, New Delhi leh Mumbai-a Mizoram House te a hmuna an zuk endik hnuah vawiin tlai dar 3:30 khan Chief Minister Pu Lal  Thanhawla hnenah an hmuh dan report an thlen a, an hmuh danin Kolkata Mizoram House chu  administration chungchangah thaa hriain a building erawh siamthat tul hlein an hria. Mumbai Mizoram House chungchangah chuan a thar tur buaipui chu tun aia tam zawk leh tha zawk neih dan tur rawtna te Chief Minister hnenah an thlen a, New Delhi Mizoram House chu an inenkawl danah tha lova hriain discipline pawh chhia an ti a, maintenance pawh tha tawk lovin an hmu a ni. Chief Minister chuan an report chu ziaka thehlut turin a lo hrilh a, a tul anga sorkarin a bawhzui tur thu a lo hriattir bawk. Subject Committee-I Member te Chief Minister hmu tu te hi Pu Lalrinawma, MLA, Pu Lalduhawma, MLA, leh Pu V.L.Robiaka, MLA te an ni.

Attachment

  • Loading attachment...