North Eastern Council  Executive Committee Meeting hmasaber chu 6^th October, 2015 khan Vigyan Bhawan, New Delhi ah Minister for Ministry of DONER Dr Jitendra Singh kaihhnruaina hnuaiah neih a ni a. He meetingah hian 12^th Plan kal mek (2012-13 to 10.08.2015) chhunga NEC hnuaia projects kalpui mek dan thlirho a ni a. Tun thlenga 12^th Plan chhunga projects thawh zawh tawh dan thlirin Mizoram in NE States zingah a thawk zo hnem ber tawh a, NEC atanga sum a hmuh pawh a tam ber a ni. Projects 21 Rs 28077.58 lakhs man a thawk zo fel tawh a ni. A hnuai a mi ang hi 12^th Plan kal mek chunga NE States te thawh tawh dan NEC report a ni a. Alphabetical Order in dah a ni :

12^th Plan huamchhung hi 2012 – 2013 to 2016 – 2017 Financial Year kum 5 chhung a huam a ni.

NEC Executive Council meetingah hian Mizoram aiawh in Dr. C. Vanlalramsanga. Secretary, Planning, a tel a ni. He meeting ah hian hmarchhak state te hmasawnna tura thil pawimawh tak tak, NEC restructuring chungchang te, Skill Development  chungchangte ,zirna sang zawk din dan  tur te, project hrang hrang thawh lai mek te  chak zawk a kalpui a nih theih  dan turte, hmarchak state ten project lian tham leh rotling zawk an thawh theihna tura NEC budget tihlen dan tur te leh kawngpui, relkawng, Airport te, Power supply leh Industry development chungchang a harsatna hrang hrang te  sawiho a thlir ho ani.

Dr. C  Vanlalramsanga chuan hmarchhak State te tana 12^th Plan period chhunga  sum ruahman zaah 43% emaw lek hman ala ni rih chu NEC tan tan lakna tur lian tak anih thu sawiin, NE States te infrastructure lamah hnufual tak annih laia sum ruahman sa pawh thawh theih loh a awm hi Central Sawrkar mawhphurhna a nih thu a sawi. Roads maintenance atan State Sawrkar hman theih tur sum a hranpa dah ngei tul a tih thu leh rawtna a thlen a, Executive Committee chuan Schcme hranpa siam bawhzui mek anih thu an tarlang. Skill development training tha kan mamawh dan te, Competitive Exam bei tura coaching centre tha kan mamawhna te leh ram pum huapa professional courses zirna institution tha NE states ten an  mamawhna sawichhuakin  NEC pawh he ti lama nasa zawka a hma a lak a tul thu a sawi. Aizawl-Delhi direct flight neih vat a tul thu sawinawn a ni a, Civil Aviation Ministry aiawh in atul anga hmalak mek anih thu a sawi. 10% GBS kaldan zirchianga tha zawka kalpui anih theihna tur zawn nise tih a thlen chu, Executive Committee hian Ministry of DONER in lo zirchiang sela tiin a rel. Hei bakah hian, Act East Policy leh Industry lama hmasawn tura ruahmanna mumal neih a pawimawh thu a thlen bawk.