Mizoram chuan Asian Development Bank leh India sorkar nen kilthum inremna New Delhi-ah a ziak ta a, hetah hian ADB atangin $ maktaduai 100 ( Rs. Vbch 480) Loan a la dawn a ni. Hei hi Mizoram Public Resource Management Program hnuaia Structural Adjustment Loan tihfo thin kha a ni a.
He Loan-ah hian Technical Assistant (TA) Loan $ maktaduai 6 (Rs. Nuai 2900) leh Program Loan $ maktaduai 94 (Rs. Nuai 45450) a tel a. He loan hi kan sum-leh pai dinhmun siamthatna tur a hmalakna kawng hrangah hman tur a ni a. Kan hriat lar tak Mizoram Health Care Scheme tan $ maktaduai 25 (Rs. nuai 12090) leh Primary School zirtirtu thenkhat VRS atan $ maktaduai 15 (Rs. nuai 7250) hman tur a ni a. A tam ber $ maktaduai 46 (Rs. Nuai 22240) erawh chu interest sang tak a kan sum puk leiba rulh nan hman tur a ni.
Heng agreement-te hi Mizoram aiawhin Pu C. Lalsawta, Principal Secretary, Finance Department; Asian Development Bank aiawhin Mr. Tadashi Kindo, Country Director, India Resident Mission leh India Sorkar aiawhin Shri Govind Mohan, Jt. Secretary, Department of Economic Affairs ten vawiin ni 17.9.09 khan New Delhi-ah an sign a ni. Heng loan te hi hlawm thum a pekchhuah tur an ni.
Heng agreement-te hi Mizoram aiawhin Pu C. Lalsawta, Principal Secretary, Finance Department; Asian Development Bank aiawhin Mr. Tadashi Kindo, Country Director, India Resident Mission leh India Sorkar aiawhin Shri Govind Mohan, Jt. Secretary, Department of Economic Affairs ten vawiin ni 17.9.09 khan New Delhi-ah an sign a ni. Heng loan te hi hlawm thum a pekchhuah tur an ni.
