Chief Minister Pu Lal Thanhawla chuan vawiin khan I & PR Auditorium-ah ‘One day Symposium on Mega Food Park and Modern Abattoir’, MIFCO huaihawt chu a hmanpui

 

 

Chief Minister chuan Mega Food Park hi Central sorkar chuan min pek an phur thu sawiin, keimahni lam kan la inpeih tawk loh thu a sawi a. Abattoir (ran talhna hmun) pawh kan nei tawh a, mahse ran talh tur tam tham, bawng emaw vawk emaw kan neih loh thu a sawi a. AH & Vety leh Agriculture department te hi hun rei tak kan nei tawh chungin, eng teh vak mah min la thlen pui lo hi, a lema kan kal rei tawhzia a tilang a ni, a ti a. A taka kan nun a hun tawh a ni a ti. Eng project pawh siam dawn ila, mahni hlawkna tur ngaihtuah lovin, kan ram leh kan hnam tana ro tling a nih theihna tura hma la zawk thin turin mitin a sawm a. ‘Malsawm tlakin I awm ang u’ tiin mipuite a sawm a ni.

Mega Food Park hian thlai leh thei tharchhuah te a hlawk thei ang ber tura sawngbawla, hralhchhuah hi a tum a ni a. Park huam chhunga thlai leh thei chingtu ten a tam thei ang ber leh hrisel ber an chin theih nana hmalakte a huap tel a ni.

Mega Food Park leh Abattoir chungchang hi Powerpoint Presentation hmangin Dr. D.Sen Gupta, Managing Director, ICICI Winfra, Kolkata in a hrilhfiah a ni.

He hun hi Pu C.Lalruata. Chairman, MIFCO in a kaihruai a. Chief Minister hi Pu H. Liansailova, Minister for Agriculture etc., Pu N.K. Chakma, Minister of State for AH & Vety etc. leh Pu H. Zothangliana, Parliamentary Secretary ten an tawiawm a ni.

Second Session-ah technical lam sawihona hun an hmang a ni.