India Today Group buatsaih ‘India Today Chief Ministers’ Conclave 2009 chu nimin khan Taj palace Hotel, New Delhi-a neihah Mizoram chuan India ram state zinga NREGA tihlawhtling thate lawmman Special Bharat Nirman Award chu Small Category-ah lawmman pakhatna a dawng a. He chawimawina Trophy hi Mizoram Chief Minister Pu Lal Thanhawla aiawhin Mizoram Transport etc. Minister Pu P.C. Zoram Sangliana chuan Union Finance Minister Pu Pranab Mukherjee hnen atangin a dawng a ni.
He Conclave Pu Arun Poorie, Editor-in-Chief, India Today Group kaihruaiah hian mi pawimawh leh langsar tak tak te zingah Pu Sharad Pawar, Union Minister, Agriculture & Food; Pu Kapil Sibal, Union Minister, Human Resources Development leh Pu Jaipal Reddy, Union Minister, Urban Development te pawhin thu an sawi ve a ni. Pu Pranab Mukherjee, Union Finance Minister chuan State of States Adress sawiin State of the State Report a tlangzarh bawk.
He Conclave-ah hian thupui hrang hrang sawihawnna leh sawihona neih a ni a. Mizoram Transport Minister Pu P.C.Zoram Sangliana chu ‘Urbanisation:The Next Revolution’ tih thupui sawihona-ah telin Mizorama thingtlang mi rethei zawkte khawpuia an pemluh nasat lutuk avanga khawpuia mihring tawt lutuk leh harsatna dang awm thei pumpelhna tura Mizoram Chief Minister Pu Lal Thanhawla sorkarin hma a lak dante sawiin, thingtlang miten changkanna uma khawpui an pem kher tul lohna tura anmahni awmhmun theuha hriselna, zirna leh eizawnna kawngahte hmasawnna an neih ve theih nan NLUP hmanga hmalak mek a nih dan te, Mizoram chuan kum 10 chhunga BPL chhungkua nei lo tura hma a lak mek thute a sawi a ni.
He Conclave-ah hian thupui hrang hrang sawihawnna leh sawihona neih a ni a. Mizoram Transport Minister Pu P.C.Zoram Sangliana chu ‘Urbanisation:The Next Revolution’ tih thupui sawihona-ah telin Mizorama thingtlang mi rethei zawkte khawpuia an pemluh nasat lutuk avanga khawpuia mihring tawt lutuk leh harsatna dang awm thei pumpelhna tura Mizoram Chief Minister Pu Lal Thanhawla sorkarin hma a lak dante sawiin, thingtlang miten changkanna uma khawpui an pem kher tul lohna tura anmahni awmhmun theuha hriselna, zirna leh eizawnna kawngahte hmasawnna an neih ve theih nan NLUP hmanga hmalak mek a nih dan te, Mizoram chuan kum 10 chhunga BPL chhungkua nei lo tura hma a lak mek thute a sawi a ni.
