Vawiin khan Mizoram Industries Services Association (MISA) chuan I&PR Conference Hall-ah General Assembly an hmang.
He huna khuallian Commerce & Industry Department Director Pu Hmingthanmawia chuan thawktute fuihna thu sawiin, “kan hnathawh a sang emaw a hniam emaw pawh ni se phur leh nuam ti taka thawh tluka hlu a awm lo a, sawrkarin hlawh min pek hi ka phu em tih kan in zawh fo a pawimawh ani,” a ti a. Industies Department chu mipui rawngbawltu, mipuite nena hnai taka in ngheng reng, Central leh State sawrkar flagship programme kengtu a ni tih sawiin, mipuite vanga he hna hi thawk an ni tih hre reng chunga anmahni dawrtu mipui te zpawh ah taka dawng sawng thin turin a chah bawk. Pu Hmingthanmawia hian MISA-in pawl inkaihhruaina dan an siam chu a tlang zarh nghal bawk a ni.
General Assembly hi session hnihah hmangin, MISA General Secretary in report a pe a, MISA Office Bearer 2017 - 2019 tur thlan nghal a ni a.
Chungte chu:
President : Pu Lalchhandama J.D (Handloom)
Vice President : Pu V.Lalrinawma, SDIO.
General Secretary : Pu C. Dawngzalala, I.P.O.
Joint Secretary : Pu H.T Lianhmingthanga, E.O (Handlomm).
Finance Secretary : Pi Laldinpuii, A.O (Food)
Treasurer : Pi Lalhlupuii Khiangte, I.P.O
MISA Assembly hi an Vice President Pu V. Lalrinawma'n a kaihruai a, MISA President nilai Pu C. Lalchhandama leh MISA Joint Secretary Pu H.F Lianhmingthanga ten thu an sawi bawk a ni.
