Vawiin chawhma Dar 10:30Am khan District Industries Centre  Conference Hall-ah Mizoram Journalist’s Association, District Headquarters, Siaha ten Annual Conference vawi 33-na an hmang. 

Vawiin 33rd Annual Conference hmanna Programme hi Session hnih-ah thenin, Session- I-naah hian Pu  Vanlalrema Vantawl, President, MJA  Gen.Hqrs chu khualzahawm a ni a. Session-2-na hian Pu N. Chakhai, Addl. DC, tuna DC Charge la mektu chu Khualzahawm a ni ve thung a ni. 

 Session –I-na hi Pu  V.Pawhla, President MJA District Headquarters, Siaha chuan  a kaihhruai a, Khualzahawm Pu Vanlalrema Vantawl chuan thu sawiin- Journalism chu Darthlalang amaha ding a ni a, Mipuiin chu Darthlalang chu an en a nih chuan an chhehvela thil thleng te chiang takin an hmu tur a ni. He Darthlalang hian Mipangngai chunga min lentirtu kan tawnhriatte, kan inserh hranna te a inpholang anga, chu chuan kan ram tan hmasawnna a thlen ngei bawk ang a ti. Ram khalh ngiltu nih hi Journalist te intlansiakna tur pawh a ni reng a ni, a ti a. Hetiang Darthlalang chelh ding tur chuan mi thil tithei te thuziak chhawngtu(Stenographer) chauh kan ni tur a ni lo. Journalist te chu khawiah pawh awm ila engti kawng zawng pawhin thudik hretu kan ni tur a ni a, keimahni a ‘Aber’ kan neih theuh phawrh chhuak turin theihtawp kan chhuah reng tur a ni. Chanchinthar kan tihchhuah chu thudik lo, belhchian dawllo, behchhan mumal neilo emaw tlema tih danglam lakah a fihlim tur a ni. Welfare lama hma kan sawn laiin hamthatna kan um luatah kan Zung (Root) Journalism lai tak hi kan theihnghilh tur a ni lova, vawiin a kan dinhmun theuh a min hlangkaitu chu Journalism hi a ni a, Journalism Ethics kan nghilh palh a nih chuan mahni nghawnga hruihrual valh nen a danglam tam lo ang. Journalist te hi thil tam tak nei, huaisenna chiah nei lo dinhmunah kan ding thei a ni, a ti a, Sum leh pai um vangin Media hi eizawn nan kan thlang lova, hausak tum ngawr ngawr a Media kan lut palh a nih chuan kan tum ram kan thelh chiang ngawt ang. Mahni lakluh mila khawsa thiam apiang mihausa an ni zawk a ni, a ti bawk. 

Pu N. Vabeiratlua, I&PRO, Siaha pawhin thu sawina hun a hman bakah MJA, District Headquarters, Siaha atangin  General Secretary leh Lalnunkima Pisa, Treasurer hnen atangin General leh financial Report te ngaihthlak a ni bawk. 

Session-I-na-ah hian heng Resolution 2 te hi an passed nghal a: 

1) Siaha Khawpui chawmtu tura duan Siaha Greater Water Supply Scheme hna thawh mek hi, a taka mipui ten kan chhawr theih nan tui pump khawlin a mamawh Electricity Power Supply  hi Mizoram Sawrkar chak tak hian min ngaituah ran sak hram rawh se. 

2) Chanchinbumite innghahna ber Advertisement lo vang ta em em mai chu; kan MJA Gen.Hqrs leh I&PR Dept hmalakna avangin  Display Advertisement a lo pung chho tan dawn tih kan hriatin, kei ni Siaha District MJA te chuan rilru leh tih tak zetin MJA Gen.Hqrs leh I&PR Dept chungah lawmthu kan sawi e. tih te a ni. 

 2nd Session hi Pu CZ. Hluna, Vice President, MJA District Headquarters chuan a kaihruaia,  Rev.Dr.Lai-u Fachhai, Moderator, ECM Hqrs in Devotion a hman zawhah Khualzahawm Pu N. Chakhai chuan thu sawiin,  MJA Siaha District te hi Mizoram District danga MJA Member te nena khaikhin pawhin inzahpuiawm lo hle in ka hria a, tunlai Media khawvel ke pen chak lutuka Role pawimawh tak Play zel tur chuan in Journalism Ethic in vawnnun tlata, thawhrimna leh rinawmna in vawn reng a ngai dawn a ni, a ti. 

Vawiin 33rd  Annual Conference hi Aizawl atangin Pu Vanlalrema Vantawl leh Pu Zohmingmawia, Information Secretary, MJA Gen.Hqrs ten an lo chhim bakah,  Siaha Dist chhunga Head of Office sawmbik ten an telpui bawk a ni. Pu Lalnunkima Pisa, Treasurer, MJA District Headquarters, Siaha chuan lawmthu sawina in atitawp a ni.