Mizoram Information Service Association chuan vawiin khan an pawl khawmpui lian chu I&PR Conference hall-ah an hmang a. MISA Vice President Pi Lalnithangi Jt.Director chuan chawhma hun kaihruaiin chawhnua rorel inkhawm chu Pu Lalsiama Fambol President MISA in a kaihruai thung a ni.
MISA khawmpui ah hian Pu Lalsiama Fambol, President, MISA chuan member te fuihna thu sawiin I&PR department-a thawktu te hian kan hna leh mawhphurhna te hi kan siam pawimawh thiam dan azirin sorkar leh mipuiin min ngai pawimawh ang, a ti a. I&PR hna leh mawhphurhna hrang hrang te tarlangin Pu Lalsiama chuan sorkar policy leh programme mipuite hnena puanzar; sorkar ruahmanna (Schemes) te a dawngtu turte hrilhfiah hmasak; sorkar hnena mipui thu haw lam (feedback) hriattir; Seminar/Workshop leh inelna thianghlim hmanga mipui ziritr; thil thleng pawimawh chhinchhiah leh vawn that nan leh midangte entawn atana mi hlawhtlingte chanchin pholanna documentation lam te chu I&PR hna pawimawh zinga a thawktute tan lak tharna tur a ni, a ti a. Sorkar leh mipui hnena I&PR hnathawh leh pawimawhna hriattir turin MISA member te chu mahni hna leh mawhphurhna hrechiang hmasa a, tunlai thiamna mila intuai hriam zel tum turin a fuih bawk a ni.
Presidential address hi MISA member ten sawihona neiin I&PR department hna leh mawhphurhna hrang hrang te chu tha zawka hlen chhuak tura department kalphung siam danglam ngai an tih te an sawi hova. He department pawimawhna leh a nih dan tur anga sorkar in a chhawr tangkai theihna turin Chief Minister leh minister leh MLA zawng zawngte tan Public Relations pawimawhna zirhona seminar neih nise a that thu a sawi.
Chawhma hunah hian kum 2008-a MISA member boral ta, Pi Zorampari IPRO, Secretary, MISA sunna hun hman a ni a, MISA General Secretary Pu David L.Thangliana’n kum 2008-2009 chhunga an pawl hmalakna leh hlawhtlinna te tarlangin secretary report a pe bawk a ni.
Chawhnu rorel inkhawm neih zawh hian kum 2009-2010 chhunga MISA hruaitu thlanna neih a ni.
Presidential address hi MISA member ten sawihona neiin I&PR department hna leh mawhphurhna hrang hrang te chu tha zawka hlen chhuak tura department kalphung siam danglam ngai an tih te an sawi hova. He department pawimawhna leh a nih dan tur anga sorkar in a chhawr tangkai theihna turin Chief Minister leh minister leh MLA zawng zawngte tan Public Relations pawimawhna zirhona seminar neih nise a that thu a sawi.
Chawhma hunah hian kum 2008-a MISA member boral ta, Pi Zorampari IPRO, Secretary, MISA sunna hun hman a ni a, MISA General Secretary Pu David L.Thangliana’n kum 2008-2009 chhunga an pawl hmalakna leh hlawhtlinna te tarlangin secretary report a pe bawk a ni.
Chawhnu rorel inkhawm neih zawh hian kum 2009-2010 chhunga MISA hruaitu thlanna neih a ni.
