Inter Media Publicity Coordination Committee vawiina Aizawl-a AH & Vety Deptt. Conference Hall-a thukhawm chuan thlaleh May thla thupui atan “Ran hri laka invenna’ tih an thlang.
IMPCC Chairman, Doordarshan Kendra Aizawl Director leh AIR NER II DDG ni bawk, Pu C Lalrosanga kaihhruai meeting-ah hi an tunlaia khawvel pumin a buaipui ‘Swine Flu’ chungchang sawiho a ni a, Mizoram chu ramdang, Myanmar leh Bangladesh nena inri a nih avangin, he natna hlauhawm laka fimkhur zawka inven a ngai a ni an ti a, hemi chungchangah hian mipuite zirtirna media hrang hranga uar taka puanzar ni se an ti a ni.
He meeting chhimtu, AH & Vety Director Dr C. Sangnghina sawi danin, khawvel pumah Swine flu vanga thi 150 vel an awm tawh a, hetihlai hian swine flu natna hrik hi mihringin a kai tawh chuan inkaichhawn a awl hle a, hripui ang maia hlauhawm a nih theih avangin, he natna laka inveng tur hian kawng hrang hranga tan lak a ngai a ni. Ramri kana Mizorama vawk phurhluh khap ni mahse, a tawlhru duh tawk an awm thin chu mipuite himlohna tur a nih avangin, hetianga a ruka vawk tawlhtute hi mipuiin an dem a, an vawk leh vawksa zawrh pawh lei loh duhna hial thinlung an put a ngai a ni, a ti a ni.
Vawiin IMPCC meeting-ah hian April thla thupui, ‘Vote nei te dikna leh chanvo’, Vote Rights chungchanga hmalakna te thlirlet a ni a, Lok Sabha inthlan neih zawh takah khan vote zaa 50 chuang awrh a tla a, media hrang hrangah vote hlutna leh vote nei te dikna leh chanvo uar taka puanzar anih hnuah pawh vote tla a tlem chu pawi an tih thu sawiin Assembly inthlan ang bawka Lok sabha inthlan ngaihpawimawh a tul thu inzirtir uar a pawimawh tih a lantir a ni an ti.
Vawiin meeting-ah hian kumin World forestry Day puala, “Mihringte dam khawchhuah nan ramngaw leh nungchate humhalh a tul” tih thupui hmanga Environment and Forest deptt. in thu inziahsiak a buatsaiha titha te hnenah lawmman sem nghal a ni. Lawmman dawngtu chu 1-na Zoremthanga, Hlimen, 2-na Ma Muantea u, Muallungthu leh 3-na C Lalnuntlinga Salem Veng an ni a, mi 3 in consolation prize an dawng bawk a ni
He meeting chhimtu, AH & Vety Director Dr C. Sangnghina sawi danin, khawvel pumah Swine flu vanga thi 150 vel an awm tawh a, hetihlai hian swine flu natna hrik hi mihringin a kai tawh chuan inkaichhawn a awl hle a, hripui ang maia hlauhawm a nih theih avangin, he natna laka inveng tur hian kawng hrang hranga tan lak a ngai a ni. Ramri kana Mizorama vawk phurhluh khap ni mahse, a tawlhru duh tawk an awm thin chu mipuite himlohna tur a nih avangin, hetianga a ruka vawk tawlhtute hi mipuiin an dem a, an vawk leh vawksa zawrh pawh lei loh duhna hial thinlung an put a ngai a ni, a ti a ni.
Vawiin IMPCC meeting-ah hian April thla thupui, ‘Vote nei te dikna leh chanvo’, Vote Rights chungchanga hmalakna te thlirlet a ni a, Lok Sabha inthlan neih zawh takah khan vote zaa 50 chuang awrh a tla a, media hrang hrangah vote hlutna leh vote nei te dikna leh chanvo uar taka puanzar anih hnuah pawh vote tla a tlem chu pawi an tih thu sawiin Assembly inthlan ang bawka Lok sabha inthlan ngaihpawimawh a tul thu inzirtir uar a pawimawh tih a lantir a ni an ti.
Vawiin meeting-ah hian kumin World forestry Day puala, “Mihringte dam khawchhuah nan ramngaw leh nungchate humhalh a tul” tih thupui hmanga Environment and Forest deptt. in thu inziahsiak a buatsaiha titha te hnenah lawmman sem nghal a ni. Lawmman dawngtu chu 1-na Zoremthanga, Hlimen, 2-na Ma Muantea u, Muallungthu leh 3-na C Lalnuntlinga Salem Veng an ni a, mi 3 in consolation prize an dawng bawk a ni
