Election Commission of India chuan tunkum 2018 General Election kan hmachhawn mek atan hian a hmuna rawn enthlithlai turin Election Observers 33 (sawmthum pathum) a rawn tir dawn a. Anni bakah a vawi khatna atan Accessible Observer pakhat a lo kal dawn bawk a ni. Election Notification hi ni 2 November, 2018 a chhuah tur niin, Observer 33 te hi November chawlhkar hmasa ber chhungin Mizorama an District chan theuhah an thleng ang a, inthlan process tawp thleng an thutchilh ang a, report Election Commission of India an pe thin dawn a ni. An District chhunga mipuite ngaihdan leh lungawilohnate a awm chuan an dawngsawng thin dawn a ni.

Heng a hnuai a mi hi Mizorama District tinte Election Observer an neih tur te an ni:-

Aizawl District : 4 General Observers, 3 Expenditure Observers leh 1 Police Observer.

Lunglei District : 3 General Observers, 2 Expenditure Observers leh 1 Police Observer.

Siaha District : 1 General Observer, 1 Expenditure Observer leh 1 Police Observer.

Champhai District: 2 General Observers, 1 Expenditure Observer leh 1 Police Observer.

Lawngtlai District : 1 General Observer, 1 Expenditure Observer leh 1 Police Observer.

Kolasib District : 1 General Observer, 1 Expenditure Observer leh 1 Police Observer.

Mamit District : 1 General Observer, 1 Expenditure Observer leh 1 Police Observer.

Serchhip District : 1 General Observer, 1 Expenditure Observer leh 1 Police Observer.