Vawiin khan Kolasib DC Conference hall ah inthlanpui lo awm tur a tana Election Observer rawn kal tur te lo buaipui tu tur te chu District Election officer Dr.Arun T, IAS kaihhruaina hnuai ah briefing pek an ni.

Hriat theih chin ah Observer lo kal tur te hi Expenditure Monitoring Observer, Police Observer leh General Observer pakhat theuh an ni dawn a, lo la kal belh tur an awm beisei a ni. Heng observer te hi a tul apianga lo buaipui turin Liason Officer (LO), Personal Security officer (PSO) leh Videographer te chu an hnathawh kalphung tur hrilhhriat an ni a, vawiin hian observer te hmuak turin Silchar an pan dawn a ni.

He hunah hian Election Officer Pu vanlalchhuanawma Chawngthu, LO Nodal Officer Pu Stephen Laltlansanga Auhmun bakah LO, PSO leh Videographer te an kalkhawm a ni.