3674/2022-2023

Dated Serchhip, the 24th February, 2023: Vawiin khan Mizoram Journalist Association Serchhip District chuan Annual Conference vawi 23 na chua Serchhip Press Club ah an hmang a, Pu K. Saitluanga, MIS, Deputy Director I&PR chuan khuallia niin a hmanpui.

Khuallian chuan MJA te chu kan rama pawl zahawm ber pawl nia a hriat thu sawiin mipuite kaihruai thintu, kawng dik leh thudik kawhhmuh thintu an nih avangin a chhunga member te inngaih aia nasain mipuiten kan zahin ka hria a ti a. Pawl hmingtha tak ni zel turin duhsakna a hlan a ni. Serchhip district han tih hian Serchhip khaw chhung chauh ngaihtuah mai a awl fova, chutiang bawkin district dang pawh a ni ang. Chuvang chuan district capital mamawh leh harsatna chauh thlur lova district chhung khaw dangte hre tel zel turin a chah a, mipuite rawngbawltu kan nihna hriaa, mahni hamthatna chauh um ngawr ngawr lova, district mipuite mamawh dah uar turin a ngen a ni. Memberte rilru put hmang dik sela, thil tha tih duhnain inthlung nghet ila, pawl a zahawm zual zel dawn a ni, a ti bawk.

He hunah hian Pu C. Lalhminghlua, President chuan thu a sawi a. Pu Zonunsanga Kawlni, General Secretary chuan report pe in, Pu Lalremruata Ralte, Treasurer chuan Finance report a pe bawk.

He hun hi Pu C. Ramengmawia, Vice President in a kaihruai a, MJA member mi 14 an tel kim thei a. Conference Rorel in hun an hmang chhunzawm ani.