Vawiin khan Mizoram Journalists Welfare Society Governing Board chu an Chairman Pi Rosangpuii, Secretary, I & PR hovin a office chamber-ah an thukhawm a. Journalists Welfare Society member ten harsatna chi hrang hrang an thlente an ngaihtuah a ni.

Vawiina Governing Board thukhawm hian Journalist member boral ta te sawrkar-in a sun nan dan dinglai tlawhchhana Rs. 1,00,000 (cheng nuai khat) theuhva ral nise an ti a. Hei bakah hian dam lo na zual enkawlna tur pawh an ngaihthuah nghal a ni.

Journalist Welfare Governing Board ah hian member 9 awmin Pu Chalrosanga Ralte, MLA pawh vawiin meeting ah hian a tel a.

Chairman Pi Rosangpuii chuan thu sawiin Welfare Governing Board Member te chu meeting tum engemaw zat an neih tawh a lungrual tak leh thu inhmu taka ro an rel thinna ah lawmthu a hrilh a, sawrkar-a a hun tawp lam a thlen tawh vanga a hova Board thutkhawm tawpna tur tluang taka an nei thei chu lawmawm a tih thu a sawi a ni.

Pu Jim K. Chozah, Member Secretary & Director, I & PR pawhin thu sawiin Pi Rosangpuii kaihhruaina a thu pawimawh leh awmze nei tak tak an rel tawh thinte chu thil chhinchhiah tlak an ni, a ti a. Pu Vanlalrema Vantawl, MJA President pawhin lawmthu sawiin Information & Public Relations ten anmahni chanchinbumite hmakhaw ngaia thahnemngai taka hma an lakna zawng zawng chu an tan a hlu tak zet a ni tiin lawmthu a sawi.