NEDP hnuaia Entrepreneurship Development Scheme  hmalakna pawimawh tak 'Business Plan Competition' final phase a kal mek a. MZU Guest House-ah finalist 42 te chu riak lutin 'Bootcamp' neih mek a ni.

B-Plan Competition-ah hian mi 245-in entry an pe a, chung zingah chuan a titha zual 42 finalist atan thlanchhuah an ni a. Finalists atanga mi 20 thlanchhuahte atangin Entrepreneursip Summit ni 10 October 2017 a neih turah lawmman la tur thlan chhuah leh a ni ang.

Bootcamp hi Dr Subrangshu Sanyal, Director, IIM Kolkota Innovation Park leh Prof C.D. Mitra, IIM, Kolkota ten an vil mek a. Naktuk atangin team dang IIM atangin mi 5-in an rawn vil leh bawk ang.

Planning Secretary leh Alternate Chairman, MEDMOC Dr C.Vanlalramsanga'n vawiin khan bootcamp hi tlawhin finalist te nen interactive session an hmang a. He hunah hian Pu Joseph L. Ralte, Expert Member, MEDMOC pawhin thu a sawi a. Bootcamp hi ni 3 - 7 October 2017 chhung neih tur a ni ang.