3568/2022-2023

Aizawl the 13th February, 2023 :  Mizoram Cleanliness Competition 2022 (MCC-2022) Cat-I lawmman 3-na lawmna leh Sanitation Awareness Campaign chu vawiin khan White Stone Conference Hall, Ramlun North ah neih a ni. He hun hi MCC-22 buatsaihtu Department UD&PA Director, Pu H. Lianzela’n khuallian niin a hmanpui a, AMC Joint Commissioner, Pu Lalremruata Kullai chu khual zahawm niin, AMC Ward III Councillor Pi Lalchhandami’n he inkhawm hi a kaihruai a ni.

Fai lawmman 3-na inkhawma Khuallian, Pu H. Lianzela chuan thu sawiin, Ward tina Local Council tinte mark hmuh dan leh Fai Inelna endiktuten veng tinte hnufualna lai an hmuh te sawiin, bawlhhlawh thliar hran maia duhtawk lova, bawlhhlawh tih tlem a tul tawh zia te, vantlang inthiarna changtlung tak nei tura ‘Adopt a Toilet’ concept kan uar a tulzia leh mahni in theuha bawlhhlawh tawih thei atanga leitha siamchhuah (home composting) kan uar a tul thu te leh bawlhhlawh atanga hausakna (Waste to Wealth) kalhmang te a sawifiah in, bawlhhlawh hmanga sumdawnna hi employment generate na tha tak pakhat anih thu a sawi a. Hei bakah hian Swachh Bharat Mission (Urban) 2.0 hnathawh pakhat Used Water Management chungchanga mahni ina hma kan lak ve theihna, tuichhia hmannawn theih dan te sawiin, kalkhawmte chu insuknna leh inbualna te leh tui hmannawn theih apiang chu huan thlai tuiah leh kawr leh bual in tihfai nan tea hmang turin a chah bawk.

Ward-III chhunga Faina leh Thianghlimna kawnga hma la tha te chawimawina hun neih a ni a, citation hlan an ni. Swachh Rankings-a lawmman lak dan chu hetiang hi a ni:-
I. Local Council Fai
1st- Laipuitlang Local Council
2nd – Ramhlun North Local Council
3rd – Ramhlun Venglai Local Council

II. Zirna in (School) Fai
1st - Govt. M/E School, Laipuitlang
2nd – Govt. P/S Ramhlun Vengthar
3rd – Govt. Model English Medium School, Ramhlun North

III. Hotel Fai
1st – BEDZ Hotel, Laipuitlang
2nd – JIT Hotel, Ramhlun Venglai
3rd – Aizawl Guest House (Homestay), Laipuitlang

IV. Hospital/ Healthcare facilities fai
1st – LRM Hospital, Ramhlun Venglai
2nd – Hope Dental Clinic, Ramhlun Venglai
3rd – Nazareth Hospital, Ramhlun North

V. Govt. Establishment (Sawrkar Pisa) fai
1st – SE (Other Department) PWD, Laipuitlang
2nd – Principal Programme Manager, State Child Protection Society, Laiputlang
3rd – SE (Eastern Circle) PWD, Laipuitlang
A
Hei bakah hian Ward III chhunga Local Council tin atangin Faina kawnga mi thahnemngai leh hnathawk tha ‘Swachhata Warriors’ te chawimawina hlan an ni a, Citation leh Cash Prize Rs. 1000/- a keng tel a ni, lawmman la tu te chu:-
1) Pu H. Lalrawngbawla, Ramhlun Sports Complex
2) Pu Lalrochanga, Ramhlun vengthar
3) Pu R. Lalhmunliana, Ramhlun Venglai
4) Pi Thangrikhumi, Ramhlun North
5) Pu NK Zama, Laipuitlang

Programme tawp lamah hian Q&A hun hman niin, Ward III chhunga khawltang hruaitu kalkhawmte atanga pawhin rawtna tha tak tak ngaihthlak a sawi ho a ni.