Mizoram State tan bika Land Acquisition Act hranpa duang tura din Drafting Committee chu an Chairman Pu R.Romawia, Minister, Revenue Department hovin vawiin  khan Directorate of Land Revenue & Settlement Conference Hall-ah an thukhawm.

Pu R.Romawia chuan Central Sorkar-in Land Acquisition Act -The flight to Fair Compensation, Transparency in Land Acquisition, Rehabilitation and Resettlement Act, 2013 chu a nih ang anga kan State chhunga hman a remchan loh avangin India Constitution Article 371 G - in thuneihna a pek anga sorkar-in ram a lak dawna thil kalpui dan tur, zangnadawmna, chhawmdawlna teh an inbelbel leh dan tur chungchanga  State tana Dan tha ber tur duang chhuak tura he Drafting Committee hi din a nih thu a sawi a. Member te inpekna leh thawhrimna fakawm a tih thu sawiin, sorkar-in  State chhunga ram a neih dan, kalphung, eizawnna, vantlang nunphung leh kan nitin khawsak dan ngaihtuah chunga Land Acquisition Dan tha tak duang chhuak thei ngei turin member-te chu a sawm a ni.

He Drafting Committee hi vawi tam tak thukhawm tawhin Assembly Session leh hmasa bera he Bill hi putluh theih tura peihfel hman ngei turin  Committee hian chak takin hma an la mek a ni.

Meeting-ah hian Drafting Committee Vice Chairman Pu H.Zothangliana, Parliamentary Secretary, Revenue Department leh member dangte an kal tha hle a ni.