Vawiin khan Revenue Directorate Conference Hall-ah Pu Zothankhuma, IAS, Secretary, Revenue Department hoin Mizoram (Land Acquisition Rehabilitation & Resettlement) Ordinance, 2015 chungchangah Workshop neih a ni.
He Workshop- ah hian Revenue Department Secretary chuan Mipui vantlang hamthatna leh hmasawnna atana Sorkarin ram a lakin Danin a sawi ang taka dik leh felfai taka kalpui anih theih nan he Ordinance hnuaia mawhphurtu zawng zawngte chu taima tak leh dik taka thawk theuh turin a chah a. Mimal hnena zangnadawmna pek dan chungchangah pawh lang tlang tak leh felfai taka kalpui tur a nih thu sawiin rinawm taka thawk theuh turin Secretary chuan he Workshop a tel te chu a chah a ni.
He Workshop-ah hian Pu R. Lalhmangaiha, OSD, Revenue Deptt., Pu R. Lalramnghaka, Addl.Secretary, Revenue Deptt., Pu K.Vanlalthiana, Deputy Director, Revenue deptt. leh Pu Dawngkima, Joint Director of Survey ten zirtirna an pe a. District tina Deputy Commissioner, Settlement Officer, District Council hotute leh Land Acquisition chungchang a Officer pawimawh tak tak te he Workshop-ah hian telin hma lak chhunzawm zel dan tur pawh uluk takin an sawi ho a ni.
