Thalfavang Kut 2015 Orgainising Committee chuan nimin tlai khan Tourism Minister Pu John Rotluangliana kaihhruainain Tourist Lodge-ah ‘Thalfavang Kut 2015 Review Meeting’ an nei a. He hunah hian Pu R. Lalrinawma, Deputy Speaker-pawh a tel a ni.

Pu John Rotluangliana, Tourism Minister, chuan Thalfavang Kut 2015 hlawhtlinna tur a Organizing Committee memter-te thawhrimna leh inpekna chu chhuanawm a tih thu leh he Kut hlawhtlin nana thawhhona tha tak an nei chu chhuanawm a tih thu sawiin, thahnemngai taka thawktute zawng zawng chungah lawmthu a sawi a ni.

Review Meeting-ah hian December ni 10 – 12, 2015 chhunga neih zawh tak “Thalfavang Kut 2015” hlawhtlinna hrang hrangte leh duhthusam phaklo lai leh hmasawn tulna lai te sawiho a ni a. Kum dang aia mipui tel theihna item tihpun leh cultural programme-te chuan ngaihhlut a hlawh phah hle ni a tarlangin, mipuiten an hlut a an ngaih pawimawh lehzual nan a hun hma atanga uar lehzual a puanzar a tul thu leh hun bithliah mumal zawk, tualchhung mi mai bakah, rampawn a mite tan pawh a remchang zawk zawng chung a siam a tul thu sawi lan a ni bawk.

Pu R. Lalrinawma, Deputy Speaker, pawhin a bial chhunga hetiang Kut ropui hman a ni chu lawmawm a tih thu sawiin hun lo kal zel turah pawh a bial chhungah ngei hmang zel turin a sawm nghal bawk.

Review Meeting-ah hian Organizing Committee Member-te an tel tha hle.