421/2025-2026

Aizawl, the 1st May, 2025: Scheduled Tribe-te hmasawnna tur leh an dinhmun chawisan kawnga hmalakna hrang hrangte zirchianga Mizoram rawn tlawhtu, National Commission for Scheduled Tribes (NCST) hotute, Chairman Pu Antar Singh Arya, Member dang Pu Nirupam Chakma, Dr. Asha Lakra, Pu Jatothu Hussain leh anmahni rawn tawiawmtu official-te chuan vawiin khan Mizoram Larsap, General (Dr) Vijay Kumar Singh, PVSM, AVSM, YSM (Retd) chu Raj Bhavan-ah hmuin an kawm.

He hunah hian Mizoram Larsap, General (Dr) Vijay Kumar Singh (Retd) chuan Scheduled Tribe dinhmun zirchianga Mizoram rawn tlawhtu National Commission for Scheduled Tribes (NCST) te hmalakna lawmawm a tih thu sawiin, Mizoram chu Scheduled Tribe deuh vek chenna state a nih avangin Scheduled Tribe tana hmasawnna leh hamthatna awm theite tha taka kalpui a nih theih nana tanlak a pawimawh thu a sawi a ni. 

He hunah hian National Commission for Scheduled Tribes (NCST) hotute chuan Mizoram an cham chhunga an thil hmuh hrang hrangte leh zirchianna bakah Mizoram hmasawn nana tul nia an hriatte Larsap hnenah hian an thlen a ni.