Mizoram Larsap Lt. Gen. (Retd) M.M. Lakhera chuan Arunachal Pradesh Larsap Gen (Rtd) J.J. Singh hnenah an state Chief Minister Dorjee Khandu boral tuarpuina a thawn.
Mizoram Larsap chuan Mizo mipuite leh amah ngei pawh hun lo taka Arunachal Pradesh CM boral thu chuan a thawngin pawi an ti hle tih a thawn a. Arunachal Pradesh Larsap hnena a thu thawnah chuan Dorjee Khandu chu mipuite hma ngaitu a ni a, an state tana a hna thawhte leh hmasawnna a thlente chu hriatreng a ni tawh ang tih a sawi a. Dorjee Khandu boralna chu Arunachal Pradesh mipuite tan mai ni lovin India ram pum tan channa nasa tak a ni a ti bawk.