1595/2026-2027

Lawngtlai, 31st July 2026 : Vawiin khan Mizoram Legislative Assembly - a Commitee on Local Fund Accounts - chuan 15th Finance Commission kaltlanga 'Lawngtlai Town Sewer Disposal System (FSTP)' Phaikhangzau, KMMTTP Road, Lawngtlai chu a hmunah kalin an enfiah.

Commitee on Local Fund Accounts - chuan chhan hrang hrang vanga a hmun ngeia lo kala enfiah an nih thu an sawi a. Ni 11, April 2025 daiha hawn tawh vawiin ni thlenga mumal taka a la function lo chu veiawm an tih thu tarlangin, chak zawka hmalak a ngai dawn a ni, an ti. Lawngtlai khawpui leh a chhehvel khuanten tangkai taka an hman theih tur a nih angin mawhphurtute chak taka hmala turin an chah a. Lawngtlai Town Sewer Disposal System (FSTP) chu a hma lama hman theih tur leh enkawltu mumal tak an awm theih nan LAD leh Sanitation department LADC te a hma lama thutkhawm nei turin an chah a. Tun dinhmuna hman theih a nih loh chhan hrang hrangte Dr. Lorrain Lalpekliana Chinzah, Chairman, Commitee on Local Fund Accounts hnena ziaka thehlut tura chahin, thutkhawmah an lo ngaihtuah leh tur thu an tarlang a ni.

Committee on Local Fund Accounts- hi an Chairman, Dr. Lorrain Lalpekliana Chinzah Adviser to Chief Minister leh Lawngtlai East bialtu MLA nibawk chuan hovin, Er. H. Lalzirliana, MLA, Mamit (ST); Pu Lalrinsanga Ralte, MLA, Serlui (ST); Pu Lalramliana Papuia, MLA Lunglei South (ST) te an lo kal thei a. Addl. Secretary LAD; Lawngtlai bawrhsap; Jt. Director LAD, Assembly Official- te bakah Lawngtla khawpui chhunga VC - 12 te leh LADC aiawh ten an tawiawm bawk a ni.

Lawngtlai Town Sewer Disposal System (FSTP) sak hna hi  hi 15th Finance Commission hnuaiah LAD, LADC kaltangin Lawngtlai Town Chhunga Village Council - 12 ten an thawk a. Cheng 1,01,71,500 senga sak niin, Ni 11th Apriil 2025 khan hawn fel tawh a ni.