1596/2026-2027

Serchhip, the 31^st July, 2026: Vawiin khan ‘District Level Committee on Pradhan Mantri Matsya Sampada Yojana (PMSSY) 2.0’ chu Serchhip District Bawrhsap Pu Paul L Khuma hovin DC Meeting Hall-ah an thu khawm a. He hunah hian Serchhip District chhunga sangha khawi leh dil siamtute hmasawnna tur hrang hrangte ngaihtuah a nih bakah, kumin atana ruahmanna  ‘Annual Action Plan for 2026-2027’ pawh ngaihtuah ho niin pawm tlan a ni.

Meeting-ah hian Pu K. Lalmalsawma, DFDO Fisheries Department hnen atangin Department hmalakna leh hmachhawpte ngaihthlak a nih hnuin sawi hona neih a ni a. DC Pu Paul L. Khuma chuan sangha khawi lama hlawhtlinna nasa zawk kan chan theih nan Bank leh Department hrang hrangte nena thawh hona (convergence) tha neih a pawimawh thu sawiin, dil thar siamna tura hmun hma thlithlaina leh beneficiary thlan lehzelna turah pawh huamzau (inclusive) leh langtlang (transparent) taka hnate thawh a ngaih thu a sawi a, mipui tam zawkte'n hlawkna an chhar zel theih nan khawtlang hruaitu Village Council te nen pawh inrawna hmalak ho zel ni se tiin hun a khar a ni

Meeting-ah hian Additional Deputy Commissioner Pi Dorothy Muansangi leh DRDO Project Director Dr. Malsawmtluanga Fanchun bakah, Agriculture Department, I&PR leh Bank aiawhte an tel a ni.