1597/2026-2027

Dated Aizawl, the 31st July, 2026: Vawiin khan Mizoram Youth Commission (MYC) chuan Mizo thalai ten eizawnna tlak thiamna an neih theihna tura buatsaih, a thlawna 'Nail Technician Training' programme batch hmasa zawk kharna hun an hmang a. He hun hi MYC Secretary Pi V. Lalmuanpuiin a hmanpui.

Pi V. Lalmuanpuii chuan thu sawiin, MYC chuan Mizo thalaite- a bikin hmeichhiate hmakhua ngaihtuahin an mahni kea an din chhuah theih nan he training programme hi duan chhuah a nih thu a sawi a. Pi V. Lalmuanpuii chuan he programme hnuaia an thil zirte chu kailawna hmang a, taima taka theihtawp chhuah zel tur leh an thiamnate tipung a hmasawn zel turin training zo te chu a chah a. Tunlai thiamna hrang hrangte hmang tangkaia an eizawnnate zau zawka tidarh tura fuihin, training zo te chu an kal leh zelna turah duhsakna a hlan bawk a ni.

Vawiina training chhuakte hi an vaiin hmeichhia mi 25 an ni a. MYC chuan an hnenah Certificate a pek mai bakah eizawnna bul an tanna atan hmanraw ngai chi hrang hrangte a pe (handhold) bawk a ni. Training hi batch khat dang kalpui leh tur niin, training hun chhung hi batch tin tan thla khat zel a ni.