Pi Sangchhin Chinzah, District Election Officer, Serchhip District chuan a hnuai ami ang hian Mizoram Legislative Assembly General Election atana Expenditure Monitoring chungchanga hriattur pawimawhte hriattirna a chhuah-
Expenditure Monitoring chungchanga hriattur pawimawhte:
MLA Election, 2018-ah hian candidate pakhatin campaign nan Rs. 20,00,000.00 a hmang thei ang.
Election Expenditure pual hian candidate ten Bank Account thar hlak an hawng tur ani a, a tlai berah nomination a file hma ni khatah a hawng hman ngei tur a ni.
Candidate-in a sum hman tur zawng zawng he account ah hian a dah lut vek tur a ni.
Candidate-in elction hun chhunga mimal pakhat emaw pawl pakhat emaw hnena sum fai (cash) a pek chhuah pum pui hian Rs. 20,00.00 a pel tur a ni lo. Hei hian mi pakhat/pawl pakhat chauh hnenah a pe thei tih a kawk lo.
Candidate-in a campaign nana sum a dawn pawhin Rs. 20,000.00 aia tam anih chuan cheque hmangin , a account kaltlang chauhin a dawng thei ang.
Candidate emaw, a agent emaw, a campaigner tee maw in Rs. 50,000.00 aia tam sum fai (cash) englai mahin an keng tur a ni lo.
Election Expenditure te hi uluk taka vil (monitor) tur ani a, a vil turin team hrang hrang: flying squad, surveillance team, Static Surveillance Team, Video Viewing Team, Accounting Team, Media Certification & Monitoring Committee, Complaint Monitoring Control Room & Call Centre, Assistant Election Expenditure Observer leh Expenditure Observer te an awm dawn a. Anni bakah hian Returning Officer te leh District Election Officer te an la awm bawk a ni.
Candidate ten an sum hman dan ziak luhna turin register pathum; Day to Day Account Register, Cash Register leh Bank Register te an maintain a ngai a. Heng account te hi campaign hun chhungin Election Observer-in vawi thum a endik ang. Tin, Final Account hi Election result puan atanga ni 30 chhungin DEO hnenah theh luh tur a ni a, thehluh hma hian Expenditure Observer hova Reconcilliation meeting neih ngei a ngai bawk.
Candidate tupawh a sum hman danah emaw, register a maintain danah thil fel lo a awm tih hmuhchhuah ani a, chu a thil tih dik loh chu siam rem (reconcile) theih a nih loh chuan inthlannaah tlinga puan tawh pawh nise, Sec 10A of RP Act, 1951 hmangin tling lova puan leh theih anih bakah kum thum chhung election chuh thei lova phuar theih ani bawk.
Candidate ten rally emaw, public meeting etc. buatsaih phalna an dilin Expenditure plan an thehlut tel ngei tur a ni. Tin, hetiang rally/public meetingreng reng hi uluk taka vil vek an ni dawn a ni.
Expenditure monitoring team engpawh chungah candidate te an lungawi lova, an chungah dan baka che-a an hriat chuan District Nodal Officer (Addl.DC) hnenah appeal an theh lut thei ang.
Thamna leh invauna/intihnat chungchanga mipuite ngenna leh hriattirna
Indian Penal Code Section 171B angin vote hmuh nana election laia sum leh pai leh eng thl pawh petu leh dawngtu chu kum khat thleng lung in tan emaw, pawisa chawitir emaw, a pahnih hmanga hrem theih a ni.
IPC Section 171 C angin midang vautu emaw, engti kawng pawha midang tinatu chu kum khat thleng lung in tan emaw (mi taksaah hliam a thlen phei chuan IPC section dang hmanga hrem theih a ni bawk), pawisa chawi tire maw, a pahnih hmanga hrem theih a ni bawk.
Hetianga midang hnen atanga thamna sum la emaw, midang thamna sum petu emaw, midang vautu leh ti natu laka thubuai siam saka action la turin Flying Squad leh Expenditure Monitoring Team dangte din a ni.
Mi tinte thamna la lo turin kan inngen a. Thamna inpek chungchang emaw, invau leh intihnat chungchang emaw hria chuan Complaint Monitoring Cell phone number 03838-226012 emaw 1950 ah emaw englai pawhin a thlawnin information a pek theih reng a ni.
