Mizoram state-in GST chungchangah India Constitution Amendment vawi 122-na pawmpui a ngaih avangin ni 2 awh Mizoram Legislative Assembly Emergency Session koh chu vawiin chawhma khan zawhfel a ni a. Tun tum Session hi Seventh Legislative Assembly-a vawi 10 thutkhawmna a ni a, ni 24.8.2016 khan Business Advisory Committee-in a duan angin August ni 30 & 31, 2016 chhung he Emergency Session hi neih a ni.
MLA Emergency Session-a hnathawh dan tlangpui chu hetiang hi a ni :
1. Official Resolution pakhat (1) adopt a ni.
2. Sorkar Bill pahnih (2) - Transport Department hnuaiah “The Mizoram Motor Vehicles Taxation (Amendment) Bill, 2016” leh Public Works Department hnuaiah “The Mizoram Road Fund (Amendment) Bill, 2016” passed a ni.
3. Paper pasarih (7) House Table-ah lay a ni.
4. Committee hrang hrang Report pali (4) present a ni bawk .
5. Election to Finance Committee neih niin a hnuaia mi ang hian chuhtu awm lovin (uncontested) Members thar ruat an ni :
a). PUBLIC ACCOUNTS COMMITTEE : Pu Nihar Kanti Chakma, Pu T. Sangkunga, Pu Lalthanliana, Dr. H.Ngurdingliana, Dr.K. Beichhua, Pu R.Vanlalvena, Pu Lalruatkima
b). COMMITTEE ON ESTIMATES : Pu J.H.Rothuama, Pu P.C. Zoram Sangliana, Pi K.Sangthuama, Pu Lalrobiaka, Pu John Siamkunga, Pu Chalrosanga Ralte, Er.Lalrinawma
c). COMMITTEE ON PUBLIC UNDERTAKINGS : Pu Lalrinliana Sailo, Pu R.L. Pianmawia, Pu Vanlalzawma, Pu S. Laldingliana, Pi Vanlalawmpuii Chawngthu
Speaker Pu H.Hiphei chuan Emergency Session kharna hun hmangin sorkar hian hna a thawk nasa hle a, Sorkar Bill pawh Seventh Assembly-ah hian 37 lai tun Session-a pass tak telin an nei tawh thu a tarlang a. Sorkar Bill leh Rules House-a sawiho tur hi eng hunah pawh Assembly Secretariat chuan an dawn theih reng thu leh Bills leh Rules House-a sawiho tur nei chuan eng hunah pawh rawn thehluh theih a ni tih a sawi bawk.
