No.4429/2021-2022
Aizawl the 28th March, 2022: Vawiin khan Mizoram Legislative Assembly Committee Room ah Mizoram Legislative Assembly Golden Jubilee Programme Sub-Committee chu Chairman, Pu T.J.Lalnuntluanga, Minister, Parliamentary Affairs Department hovin an thukhawm a. Mizoram Legislative Assembly kum 50-na May 9 & 10, 2022 a lawm dan tur programme duangin Golden Jubilee lawmna kaihhnawih thil pawimawh hrang hrang an rel.

Mizoram Legislative Assembly Golden Jubilee lawmnaah hian Pu Om Birla, Speaker, Lok Sabha chuan lo tel a tum thu ziakin a rawn tichiang tawh a. Chairman bakah Committee ah hian member, Pu L. Thangmawia, MLA; Pu Vanlalhlana, MLA; Pu Rochhunga Ralte, Ex-MLA; Pu K.Liantlinga, Ex-MLA bakah Assembly Secretariat Commissioner & Secretary leh Officer dangte an tel a ni.