No.4428/2021-2022
Aizawl the 28th March, 2022: Vawiin khan Social Welfare Minister Dr K. Beichhua chuan sawrkar laipui Ministry of Women and Child Development kaltlanga ruahman One Stop Centre chu Serkawn, Lungleiah a hawng.

Hawnna inkhawm ah hian Lunglei HPC Vice Chairman Pu Lawmawma Tochhawng, MYC Chairman Dr Vanlaltanpuia, Lunglei DC Pu Kulothungan A leh official dangte, BCM thawhtute, Lunglei MJA-te, khawtlang hruaitute leh tlawmngai pawl hrang hrang aiawhte an tel.

One Stop Centre, Serkawn hi Baptist Church of Mizoram (BCM) leh Social Welfare Department te tangkawp hmalakna niin a sakna hmun hi BCM-in ram a hman hawh tir a ni

One Stop Centre hi Ministry of Women and Child Development bultum a hmeichhia hleihlenna tuar leh baihvaite tana tlukluhna leh inhumhim lailawk na atana buatsaih a ni. October, 2018 khan Christian Hospital Serkawn, annexe building, Lunglei ah temporary in an kal tan a . 24th September, 2021 ah building thar ah an in sawn a. Hmeichhia harsa tawk te zingah

1. Hlemhletna tuar (Domestic violence)

2. Pawngsual (Rape and abuse)

3. Social media a intih hmingchhiatna leh social media kaltlanga harsatna tawk te.

4. Hmeichhe rukbo (Kidnapping & Abduction)

5. Thuamchhawm leh bungraw in chuh.

6. Khawtlangah emaw inchhungkhur a harsatna nei tan engtiklai pawhin pan theih reng an ni e.

Hmeichhia kum 18 chin chunglam tana buatsaih a ni a. Heng bakah hian an fapa kum 8 hnuailam tan leh hmeichhia kum bithliah awm lo te tan ni 5 an awm thei bawk a ni.

OSC ah hian hleihlenna tuar lo pantu hmeichhia te chu a tul ang angin an lo buaipui thin a. OSC hian Medical First Aid te, Police hnena FIR thehluh te, DIR buaipui te, Psychological counseling pek te, Legal Counselling pek te leh Dan leh hrai chungchanga tanpui an ngaihna apiang ah a pui thin a ni.