No.3931/2021-2022

Aizawl, 8th February, 2022 : Mizoram Legislative Assembly kum 50-na, Golden Jubilee May 10, 2022 a lawm dan tur ngaihtuahin vawiin khan Organising Committee chu Chairman Pu Lalrinliana Sailo, Assembly Speaker hovin Assembly Secretariat Recess Room A-ah an thu khawm a. Golden Jubilee lawmna tura ruahmanna hrang hrang te thlir hovin inbuatsaihna kalpui dan turte sawi ho a ni. Tun tum hi Organising Committee vawi thum thut khawmna a ni a. Meeting ah hian Home Minister Pu Lalchamliana leh Parliamentary Affairs Minister Pu T.J Lalnuntluanga te bak ah Mizoram Assembly Speaker hmasa ber Dr.H.Thansanga leh Speaker lo ni tawh Dr.Kenneth Chawngliana te, MLA leh MLA lo ni tawh mi eng emaw zat leh Chief Secretary Dr.Renu Sharma te pawh an tel a ni.