Vawiin khan Mizoram Legislative Assembly hnuaia Subject Committee- I te chuan PMGSY hnuaia Mamit - Phaizau (10.480 Kms) kawng sial hna thawh mek chu a hmunah an tlawh.

Subject Committee - I te hi an Chairman Er. H. Lalzirliana, Mamit Bialtu MLA chuan hovin Pu Vanlalhlana Member, Pu Lawmawma Tochhawng Member, Pu VL Zaithanzama Member, Pu C. Lalsawivunga Member te bakah Officials atangin Pu Lalrinawma Sailo Committee Officer leh Pi H. Malsawmkimi Assistant te an ni.

Rs 1033.14 lakhs senga sial hna thawh mek Mamit - Phaizau Road hi PMGSY Phase IX hnuaiah 27th October, 2017 atang khan thawh tan a ni a. Km 10.480 a thui tur niin kawng laih hna, Culvert leh Retaining Wall siam hna hi Group 5-ah then niin Contractor 5 te'n an thawk mek a. Kawng sial hna leh a dangte hi April 2020-ah chuan zawhfel hman tum a ni.

Subject Committee-I te hi Phaizau khawtlang mipuite nen kawngsial hna thawh mek chungchangah inkawmhona neih a ni a. Phaizau khawtlang mipuite chuan an khaw kawng sial hna chu chak zawk leh a zawh hun tura bitukah zo hman ngei tur leh kawngsial hna chu kawngpui tha tak an neih ngei theih nan leh tha taka hnathawh a nih theih nana hmalakpui turin an lo thlen a. Subject Committee- I te chuan hnathawktute chu Phaizau mipui duhdan ang ngeia kawngsial hnathawk turin an ngen bawk a ni.

Subject Committee-I te hian Mizo hnam Sipai famchang tawhte Pu VL Thanmawia, Chief Commissioner Pu V.L Zaithanzama Subject Committee - I Member unaupa leh a thiante pali thlan an tlawh nghal bawk a ni.

Subject Committee - I te hi Dr Lalrozama, IAS District Bawrhsap, Mamit bakah SE Western Circle Vanlalmuana, EE, SDO leh JE PWD Mamit te'n an tawiawm a ni.