3455/2023-2024

24th January, 2024 : Ni 21.1.24 Pathianni khan Pu Lalbiakzama, Mizoram Legislative Assembly Speaker chuan Pu Sampath Kumar, Development Commissioner & Principal Secretary, Government of Meghalaya sawmna angin Dr. A.P.J Abdul Kalam Road, New Delhi-ah Meghalaya State Day lawmna a hmanpui.

He hun tel mi pawimawh te chuan Speaker hnenah hian Mizoram hnathawh that leh hmalakna te an lo hrilh a. Mizoram chu hmarchhak State-te inunau tawnna kawnga a pawimawh thu leh inlungrualna kawnga sulsutu a nih thute an sawiin, Mizoram chu Internally Displaced Persons-te chhawmdawl kawnga hna ropui tak thawktu ni a an hriat thu an sawi bawk.

Speaker chuan he huna lo tel Pi Lakshmi Sripada, World Bank hnuaia Health, Nutrition and Population Unit hotunu leh Pu T. Armstrong Changsan, Joint Secretary & Chief Passport Officer (Ministry of External Affairs) te pawh a kawm nghal a. Speaker hi Minister pathum Pu F. Rodingliana, Pu B. Lalchhanzova leh Pu Lalnghinglova Hmar te'n an tawiawm a ni.