4685/2024-2025

AIZAWL; the 18^th March, 2025 : Vawiin Budget Session chawlh lailawk laiin Mizoram Legislative Assembly Subject Committee-IV chuan Central Jail, C-I Ward tan Television a hlan.

He Television hlanna programme tawi hi Committee Room, Mizoram Legislative Assembly, Annexe Building-ah neih niin, Pu H.Ginzalala, Chairman, Subject Committee -IV chuan thu tawi sawiin, tun tum session-a member tin ten Jail an vei tlang chu lawmawm a tih thu sawiin, official te thawhrimna leh inpekna-ah pawh an lawm tak zet a ni, a ti.

Pu H.Ginzalala chuan Central Jail-a hlan chhawng turin Pu R. Lalremsanga, Jt. Secretary, Home Dept. hnenah TV hi a hlan ta a ni.

Vawiin TV hlanna programme tawi-ah hian Subject Committee-IV Chairman Pu H.Ginzalala leh member te: Pu V.L.Zaithanzama,H.Lalzirliana, Pu K.Hrahmo, Lt.Col.Clement Lalhmingthanga leh Pu Lalramliana (Papuia) te bakah Home Dept. official te leh Assembly House Official te an tel a ni.