No.2148/2021-2022
Aizawl 7th September 2021: Mizoram MP (LS) Pu C. Lalrosanga chuan vawiin khan New Delhi-a Parliamentary Standing Committee thutkhawmnaah thusawiin Mizoram leilung hausakna dapchhuah hna thawk chak turin Coal and Mines Ministry a nawr a. Tun kum 5 kalta chhunga Mizoram tiamin hmarchhak state 5-a leilung hausakna dapchhuah belh a ni lo chu a ngaihmawh thu sawiin Pu C. Lalrosanga chuan hmarchhak state-te zingah intluktlang takin leilung hausakna dapchhuah hna thawh a ngai a, state thenkhata hmalak tlem bik chu a dik lo a ti. Geological Survey of India(GSI) hotuten Mizoram leh state thenkhata ILP dan leh Sixth Schedule dante hman a nih avanga an hnathawkten harsatna an tawk ni a an sawi chungchangah MP chuan hmasawnna hna thawktuten chuti ang harsatna an tawh a rin loh thu a sawi a, thuneitute nen indawrfel theih vek a ni tiin Parliamentary Committee chu a hrilh.

Hmarchhak bial state 8-a leilung hausakna haichhuah leh hmasawnna kaihhnawih thil sawihona hi Parliamentary Standing Committee on Coal and Steel Chairman MP(LS) Pu Rakesh Singh-in a kaihruai a. Hmarchhak MP-te tiamin MP thahnem tak leh Mining Ministry hotute bakah GSI hotute an tel a ni.