Ni 31.10.2019 chawhnu khan Local Administration Department buatsaih Consultative meeting on reformation of Mizoram Rural Administration chu Secretariat Conference Hall, MINECO ah neih a ni a Department a hotute bakah tlawmngai pawl hrang hrang aiawh te an tel a ni.

He hun hi LAD Secretary Pu Rodney L.Ralte in kaihruaiin LAD Department aiawhin Dr Malsawmtluanga Fanchun, Under Secretary in ‘Concept note on Reformation of Mizoram Rural Administration’ chungchang presentation hmangin sawi zauna a nei a, Mizoram thingtlang lam inenkawlna hman mek Village council siam that dan tur leh Panchayati Raj zulzui ang a kalpui dan tur ruahmanna sawi ho a ni. He inrawnkhawmna hun ah hian PRI ang zulzui a District level a constitutional body din te, thingtlang mipui aiawh te thuneihna tam zawk pek te, an term Kum 5 chungchang leh hmeichhia te tana reservations chungchang kalpui zel dan tur te sawiho a ni a. Thingtlang sawrkar tih len a, member pawh a tlem berah mi 5-9 nih tir dan tur te sawiho a ni.

He hun ah hian LAD in drafting committee a din member te, department aiawh sawm bik te leh CYMA, MHIP leh political party hrang hrang aiawh te an tel a ni.