Tunlai hian Bank Account hmanga inbumna a tam hle a. Bank Customer ten link, phone call, SMS emaw, WhatsApp Message hmangin Bank Account-a pianni dik lo siam tha turin leh Bank Account update tura tihna/hriattirna an dawng thin a. Bank Account hmanga mi bum chingte hian Customer te ATM number, PIN leh OTP te an zawt bawk thin. Hetianga Bank Account update tura tihna pop-up/call/SMS/whatsapp message/link hi Bank Account hmanga mi bum chingte tih a ni thin a. Bank Customer te thawhchhuahsa sum ruksakna hmanrua a ni fo thin.

Mizoram Police chuan mimal bank account chungchang zawhna; link, pop-’ up, email, SMS leh phone call te chhang lo turin leh mobile number, password, ATM number te phone, email leh SMS hmanga mi bum chingte hrilh loh turin a ngen a. Bank-te hian hetiang information hi phone call leh sms hmangin an zawt ngai lo a ni. Mimal chungchang (personal information) leh bank account chungchang te pop-up, link, email, sms leh call hmangtea hrilh lo tur leh mi bum hmangte laka fimkhur turin mi zawng zawng ngen leh hriattir kan ni e.