452/2025-2026

Dated Aizawl the 5th May, 2025 : Mizoram a lo tlawh tuma a sawmna bawhzuiin, vawiin khan Lok Sabha Mizoram MP Pu Richard Vanlalhmangaiha chuan, National Commission for Schedule Tribe Chairman Pu Antar Singh Arya chu Delhi-a a office-ah hmuin, inkawmna hun tha tak an nei a ni.

An inkawmnaah hian Mizoram mai nilo, India hmarchhaka tlangmi (mi nuaih 50-60 vel) ten harsatna hrang hrang an tawhte a sawipui a. Chung zinga pawimawh zual zingah, income tax act section 10(26) in tax a awl laia, sumdawng thenkhat leh mi tam takin Income tax Office atangin ba thinna an dawng thin te, sipai bangte pension hlawh atanga income tax cut a nih thin bakah, central/bank office-a thawk Schedule Tribe ni si ten, an hlawh atanga TDS (Tax Deducted at Source) cut thin a nih thute a hrilh bawk a. Income tax lampang chuan nil return file thin tura an tih thute leh hei hian tlangmite tana harsatna nasa tak a siam thute a thlena.

Income tax awl ni chung si a tax thinna an dawng thin chu mipuiin mak an tih thu leh an hriatthiam loh thin thute pawh a hrilh a. Pu Antar Singh Arya chuan a lo ngai pawimawhin, hmalak dun dan turte an sawi dun nghal a ni.