Mizoram atanga kal Information & Public Relations Department Officer panga leh Mizoram Journalists Association member sawmpanga te chuan nimin khan Lok Sabha ah training an tan. Mizoram media mi leh sa te tana Lok Sabha-a training buatsaih hi a vawikhatna niin Information and Public Relations Minister Pu Lalruatkima hmalaknaa neih a ni.

Mizoram media team te hian Parliamentary   Research and Training Institute for Democracies (PRIDE), Lok Sabha ah Parliamentary Practices and Procedures tih thupui hmangin training hi ni thum chhung an nei dawn a. Pi Rimjhim Prasad, Joint Secretary, Lok Sabha chuan training  hawnna inkhawm a hmanpui a ni.

Nimin chawhma khan Lok Sabha, Rajya Sabha leh Parliament Central Hall an tlawh a. Chawhnu lamah lecture session tum hnih neiin Parliament leh Legislature a dan siam dan kalphung an zir a ni.

Training-a kalte hi I&PR Joint Director Pu Lalramliana Chawngte chuan a hova. I&PR Department atangin Deputy Director Pi K.Vanlalsangi, IPRO pathum Pu Malsawmsanga, Pu Pratap Chhetri leh Dr.Saithantluangi Zote te an tel a. Mizoram Journalists Association atangin Pu Zohmingmawia (Aizawl Post), Pu Lal Rinmawia (Vanglaini), Pu Lalnunzira Chawngthu (DDK), Pu Vanlalrema Vantawl (Zalen), Pu Zodin Sanga (Newslink), Pu F.Lalliansanga (The Frontier Despatch), Pu Samuel Lalruatsanga (Zonet), Pu Henry Lalhlimum (Mizoram Post), Pu Lalhlupuia (Lenrual), Pu C.Lalhminghlua (Laisuih), Pu Laltlanthanga (Hlimthla),  Pu Elvis Lalthangzuala (Rauthla), Pu C.Lallawmzuala (Vairengte Aw) leh Pu C.Lalramdinzela (Mamit Times) te an tel a ni.