No.1691/2020-2021

Phailam (State dang) atangin Mizoram mi leh sate kan haw khawm zel a. Heng State dang atanga rawn hawte hi Bairabi Railway Station leh Vairengte kal tlang a rawn haw an ni deuh ber a. Heng mite lo enkawl na leh Mizoram an lo luh a, harsatna an tawh loh nan Kolasib District Administration chuan theih tawp chhuahin a lo tuam hlawm thin a. Duhthusam vek nilo mahse, tangkhang te an lo thlenin ei leh in tur, a remchang ang ang sawrkar sum sengin lo chhawp bakah a siamtu tur ; mimal leh pawlte man chawia ruaiin, Mizo chaw ngei a lo hlui hram bawk thin a ni. Chhun leh zan, nisa leh ruahpui karah Kolasib District-a sawrkar mi leh sa te’n mahni hrehawm pawisa lovin an lo buaipui thin te hi a hlu hle a ni. Hetih lai hian, kan unau lo haw te zingah tunhnaiah Delhi leh Mumbai atanga lo haw te atangin nungchang duhawm lo leh harsatna siam zawnga tala mipui himna atana District Administration ruahmanna palzut an awm hi District Administration chuan pawi a ti tak meuh a ni. Hei hian Mizo nawlpui angin min tihhmingchhiat bakah mipui himna a tichhe thei a ni. Chuvangin, tun hnuah tangkhang hruai hawn an nih reng rengin, hruai haw tur ten hei hi hriat lawk tur a ni :-

1. Mi awm tha duhlo leh harsatna siam, khuahkhirh theih loh an awm anih chuan a tul angin an chungah action lak a ni ang a, a tul phei chuan thawn let leh thlengin hmalak a ni ang.

2. Tin, tangkhang buaipuitu Sawrkar aiawh leh Welfare-Association te pawhin a lo dawngsawngtu District Administration ruahmanna siam ngai pawimawh tur leh lo haw turte pawh kaihhruaina tha lo pe lawk thin tura ngen leh hriattir an ni.