No.1692/2020-2021

Aizawl, the 5th June 2020: Mizoram Youth Commission chuan Mascot insiam siak a buatsaih mek thehluh hun chu a hnuaia tarlan ang hian a sawn hla

MYC-in MASCOT Logo Competition a buatsaih May ni 30, 2020 thlenga thehluh theia alo ruahman chu a ziah dan kalphungte tlema her danglamin ni 30th June, 2020 thleng atan extend a ni.

CATEGORY-1 NA - Khuangchera Project:
Thalaite nun a Huaisenna intuhna tur Project a ni. Ram leh hnam chhan ngam tura huaisen inzirtimate, Mizo hnam huaisen kan nihna chhawm nunna tura thalaite infuihna tur a ni. Dikna tan ngam huaisenna te telin.

CATEGORY-2 NA -Taitesena Project:
Thalaite nuna tlawmngaihna leh aia upa zahna Project a ni. Mizo ze ropui tak Tlawmngaihna, midangte dah pawimawhna leh tanpui duhna rilru nen; aia upa zawkte duat leh zahthiamna te a keng tel a ni.

CATEGORY-3 NA -Vanapa Project:
Thalaite nuna hruaitu tha leh tling ni tura infuihna Project a ni a. Ram leh hnam tan hruaitu entawntlak nihnate, hotu ni lova hruaitu nihna ataka chhawm nunna leh a nuam a hrehawm pawha hruaitu tling inzirtirna a ni.

CATEGORY-4 NA -Chawngbawla Project:
Dawhtheihna leh a hun taka chetlak thiamna project a ni a. Thil reng reng bawh buan buan lova fing taka dawhtheihna nen kalpui a finthlakna leh a hun a zira dawhtheihna nen mumal taka chetlak thiam inzirtirna a ni.

Category tina Mascot Ziahphung tur :
1. A4 Paper Size aia te tur a ni lo.
2. Character atan Cartoon, mihring, ramsa, rannung leh thil nung kherlo pawh Project tur nena inmil tur ang.
3. Graphic design leh drawing pek pawh a tih theih ang.
4. Project mil a visionary skill leh creative drawing uluk takin pholan nise.
5. Endikna hi Selected Board in a nei ang.

Thehluh dan tur:
1. Hard Copy a thehlut duh chuan Mizoram Youth Commission Office, Khatla, Aizawl-ah leh Mizoram Youth Commission Office, Lunglei ah te thehluh theih a ni ang a. MYC Office awm lohna district ah chuan Deputy Commissioner Office-ah, Office hun chhungin thehluh theih a ni bawk ang.
2. Soft copy a thehlut duh tan mycmizoram@amail.com ah thehluh theih a ni bawk ang.
3. Thehlut tur chuan thehluttu hming, address kimchang a tarlang tur a ni.

Hrechiang duh chuan Office hun chhungin MYC Office, Aizawl leh Lungleiah zawhfiah tur a ni a. MYC website www.myc.mizoram.gov.in ah entheih a ni bawk ang.

Category tinah lawmman hetiangin siam a ni ang :
1st Prize - Rs. 10,000
2nd Prize - Rs. 6000
3rd Prize - Rs. 4000

Thehluh hun tawp - 30th June, 2020 thla chhungin
Result puan - Local Media kaltlanga puan a ni ang. Ziaktu details, address leh contact number felfai takin tarlan bawk tur a ni.