Thian duhtak te u,

Kan nupa in Krismas leh Kumthar chibai hlimawm berkanhlan che u a, hun lo kal leh zel torah nun hausa, hlimawm leh thlamuang tak in neih zel theih nan Pathian khawngaihna leh awmpuinakandilsak a che u.

Christmas hi “hlimna kut”, chungkua leh thenrual tha te nen a hlim leh thlamuang taka hman tur a ni a, khawvela remna leh muanna thu tlang au pui tura inngaitlawm taka rawn kal Lal Isua hi kan hriatrenga, a zirtirna leh kaihhruaina te kha kan thinlunga tih nun thar anih leh theih ngei nan rilru in hawng takin he hun hi I hmuak ang u.

Urhsun tak a Lal Isua zirtirna zawm tu Mizoram mipuite ka lawmpui che u a, Christian inzirtirna leh sakhua leh khawtlang inrelbawlna kawnga inzahtawn tak leh inlungrual tak a ke in pen thin hi a ropui ka ti tak zet a ni. Chhungkaw inkungkaihna nghet, intluktlanna, khawtlang inlungrualna leh sakhua na lak puithu na te hi Mizo te zia duhawm tak ka hmuh chian em em mai a ni a, hengte hi remna leh muanna innghahna lungphum an nih avangin Mizoramah hian remna leh muanna hi a awm kumhlun dawn a ni tih ka hrechiang a ni.

Kum kal ta khan Mizoramah hmasawnna chi hrang hrang a thlen a, mipuite hnena hmasawnna tluantling thlen na tur atana ruahman New Land Use Policy (NLUP) pawh chak taka kalpui zel niin hei hian mipuite ah beiseina sang tak a pe a, mumal leh changkang zawka in hmun, lo ram teh a chhinchhiah tura hmalakna kal mek hian Sawrkarindik tak leh rual khai taka rorelna kalpui a tum zia a tarlang a, kawng thar sial te, lei dawh thar te leh kawng awm sa thawm that hna thawh zozai te hian hmasawnna a entir a, mipuiten chak zawk leh awlsam zawka sawrkar an dawr zung zung theih na atana E-Governance programme kalpui ani hi langtlang sawrkar leh sawrkar tha entirna tha tak a ni a, Sawrkar Laipui leh Mizoram Sawrkarin Hriselna, Zirna, Mirethei In sak leh Energy a ngaipawimawh hian mipuite hamthatna a ngaihtuahzia a tilangin, heng hmasawnna hna te hi chak tak leh mar pat a kalpui mek an ni tih a hmuh theih a ni.

Ramchhung inrelbawlna hna ah hian mi zawng zawng kan tel a, ramchhunga cheng hnam hrang hrang, pawl hrang hrang te leh mimal chi tin te that tlanna tur ber hi a ngaihtuah thin, thil pawimawh tam tak a ngiahtuah te zingah tun dinhmunah chuan kan khawtlanga mi chhumchhia leh miretheite hi ngaihpawimawh an tul hle in ka hria, a bik takin naupang pawisawilote hi venhim leh hual him an ngai em em a ni. Naupang vanduai sikul kai lo te, fahrah te, HIV hrik pai naupangte hi an dinhmun a derthawng a ni. Heng naupang vanduaite hian hmasawnna parzu thlum hi an dawt ve tur a ni lawm ni ? zirthiamna dik pek leh eizawnna bulfuk kawhhmuh hi an tanakantihmakmawh chu a ni.

A nihna takah chuan, sawrkar leh khawtlang in hmasawnna atana ruahmanna leh kalphung a duan te a hlawhtlin leh hlawhtlin loh tehna bulpui ber pakhat chu miretheite leh dinhmun chhe zawka dingte khaichhuahna programme kalpui anih dan leh hlawhtlinpui anih dan hi a ni. He Krismas lo thleng tura Mizoram mipuite ka chah duh ber chu inpumpekna nasa zawk nena heng mi baihvaite leh tanpui ngaite tanpui hi kan tihtur leh kan pianvo ani tih hriat thar leh hi a ni a, tlawmngai pawl leh NGO hrang hrangin hemi kawnga sawrkar hmalakna an thlawp dan leh tihphuisui dan ka hmuh hian Mizoram mipuite ah rinna lian tak ka nghat a ni.

Thalaite hi ram leh khawtlang chakna hnar an ni a, an phurna leh an thiamna te hi hriatpui an ngai a ni. An finna te hi tih pun sak a, an ngaihtuahna te fing taka an hman zel theih nan fuih chak a tihphur an ngai a, mizo thalai tam takin hi India ramchhunga hna sang zawk leh ngialnghet zawk thawk tura tan an la thar mek tih ka hmu hian phur na nasa tak min pe a, Mizo thalai engemaw zat All India service leh Central Service chi hrang hrangah lutin dinhmun pawimawh tak tak an chelh mek a ni tih ka hmuh te hian theihna kan nei ani tih a tilang chiang hle a, Corporate khawvelah pawh mizo thalai hlawhtling tak tak an awm nual bawk a ni.

India ramah Zirna leh thiamna bik zirna kawng chi hrang hranga in hawng zau ta hle a, hei hian Mizoram tan ngei pawh ram leilung fa mithiam leh hman tlak tam tak a chher chhuah ngei ka beisei a, Mizoram leh India ram tihmasawn tu tur Mizo thalai an la rawn chhuak teuh dawn ani tih ka hriatin ka lawm a ni.

Naktip lawkah hian kum thar, kum 2013 a rawn in her chhuak dawn a, he kumthar lo thleng tur hi Mizoram tan hian a nghahhlelhawmin a phurawm lawk hle a ni. Mizoram mipuite hi remna leh muanna vawng nung reng tur leh Mizoram leh India ram tichak deuh deuh tura in tha leh theihna te chhuah reng turin ka sawm nawn leh che u a ni.

Ram ropui leh chak tak khua leh tuikanni a,Indiamikanni hi i inchhuang ang u.

Kan nupa in Krismas leh Kum Thar hlimawm taka hmangturinduhsaknakanhlan nawn leh a che u

Ka lawm e