No.6146/2020-2021

Aizawl, 16 10.2020 : Vawiin khan Mizoram MP(L.S) Pu C. Lalrosanga chuan Chief Election Commissioner Pu Sunil Arora leh Election Commissioner Pu Sushil Chandra te an office ah tlawhin Delimitation Commission hmalakna te leh Mizorama inthlanpui buatsaih dan chungchang te a sawipui.

Pu Arora chuan Mizorama inthlanpui buatsaih dan te chu fel leh tha a tiin state dangte nena khaikhinin mimal senso pawh a tlem hle a ni, a ti a. Pu C.Lalrosanga hian Director General Doordarshan hna a thawh laiin Pu Arora hi Information and Broadcasting Secretary niin hun eng emaw chhung Pu Sunil Arora kaihhruaina hnuaiah Pu Rosanga hi a lo thawk tawh a. Pu Arora chuan Pu Lalrosanga MP hial a lo ni ta chu zau zawka mipui rawngbawl theihna hun tha zawk a nei thei ta a ni, tiin lawmpuina leh duhsakna a lo hlan a ni.